Home / Fiqah / Kya Sahi Kya Galat? / Kya Huzur Gaus e Aazam Aur Sarkar Gareeb Nawaz Ki Mulaqat Hui Thi?

Kya Huzur Gaus e Aazam Aur Sarkar Gareeb Nawaz Ki Mulaqat Hui Thi?

Kya Huzur Gaus e Paak Aur Sarkar Gareeb Nawaz Ki Mulaqat Hui?

Kuch GairMotbar Kitabo’n Is Tarah Ke Waqyat Maujud Hain Jin Se Ye Zahir Hota Hai Ke Huzur Gaus e Aazam  Aur Huzur Gareeb Nawaz  Ki Mulaqat Hui Thi

Lekin Sahi Yahi Hai Ke In Dono Buzurgo’n Ki Mulaqat Nahi Hui

Jab Ye Suwal Sharah e Bukhari, Hazrat Allam Shareeful Haq Amjadi Ki Bargah Me Pahucha To Hazrat Ne Bahut Hi Mudallal o Mufassal Jawab Marhamat Farmaya;

➡️ Gaus e Aazam Ke Dhobi Ka Qabr Wala Waqya Motbar Hai Ya Nahi?

Sharah e Bukhari Farmate Hain:

Is Par Saare MuArrikheen (Tarikh/History Bayan Karne Walo) Ka Ittifaq Hai Ke Sarkar Gaus e Aazam Ka Wisal 561/Hijri Me Hua Hai,
Is Par Bhi Qarib Qarib Ittifaq Hai Ke Sarkar Gareeb Nawaz Ki Wiladat 537/Hijri Me Hui Aur Is Par Bhi Ittifaq Hai Ke Sarkar Gareeb Nawaz Ne 15 Saal Ki Umr Se Ilm e Zahiri Ke Husool Ke Liye Safar Kiya Ek Muddat Tak Aap Samarqand o Bukhara Me Ilm Hasil Karte Rahe,

Uloom e Zahiri Ki Takmil Ke Baad Murshid Ki Talash Me Nikle, Phir 20 Saal Tak Murshid Ki Khidmat Me Hazir Rahe,
20 Saal Ke Baad Khilafat Se Sarfaraaz Farmaye Gaye Phir Madina Munawwarah Me Hazir Hue Aur Sarkar e Aazam ﷺ Ne Hindostan Ki Wilayat Ata Farmayi….

➡️ Mushkil Kusha, 16 Saiyyado’n Aur RootBoot Ke Roze Sharai Hukm

Ab Hisab Lagaye’n Ke 15 Saal Ki Umr Tak Sarkar Gareeb Nawaz Apne Watan Me Rahe
Aur 20 Saal Tak Ilm e Zahir Talab Farmate Rahe To Ye (15+20) 35 Saal Ho Gaye,

537/Hijri Me Wiladat Hui, 35 Saal Tak Ilm e Zahir Ki Talab Me Rahe (35+537) Yani 572/Hijri Me Aapne Iraq Ka Rukh Kiya Jab Ke Sarkar Gaus e Aazam Ka Wisal 561/Hijri Me Ho Chuka Tha,
Yani Sarkar Khwaja Gareeb Nawaz Ne Jab Iraq Ka Rukh Kiya Us Se 11 Saal Pehle Huzur Gaus e Aazam Ka Wisal Ho Chuka Tha, Phir Mulaqat Kaise Hui?

📖 Fatawa Sharah e Bukhari, Jild 2, Safa 128/131 (DairatulBarkaat Ghosi, 1433/Hijri)

➡️Asr Ka Roza Rakhna Kaisa Hai?

Is Mukammal Tafseel Se Ye Baat Saaf Ho Jati Hai Ke Huzur Gaus e Aazam Aur Huzur Gareeb Nawaz Ki Mulaqat Sabit Nahi Hai Aur Jo Bhi Waqyat Mulaqat Ke GairMotbar Kitabo’n Me Maujud Hain BeSar-o-Pa Hain……

➡️ Aala Hazrat Ek Nazar Me

➡️ Mufti e Azam e Hind Ek Nazar Me

➡️Dadhi Mundane Wala Azaan Keh Sakta Hai Ya Nahi?

Leave a Reply

error: Content is protected !!!