Home / Fiqah / Kya Sahi Kya Galat? / Maher Ki Sahi Miqdar Kya Hai Aur Kam Se Kam Kitna Maher Ho?

Maher Ki Sahi Miqdar Kya Hai Aur Kam Se Kam Kitna Maher Ho?

Maher Ki Sahi Miqdar Kya Hai? Aur Kam Se Kam Kitna Maher Ho? Shara Paigambari Maher Muqarrar Karna Kaisa Hai?

Maher Ki Sahi Miqdar Kya Hai Aur Kam Se Kam Kitna Maher Ho?

SharaPaigambari Maher Muqarrar Karna Kaisa Hai, Aur Wo Kitna Hai?

➡️ Talaq Wali Aurat Ki Iddat Ka Sahi Waqt Kya Hai?

Galat Fehmi

Baaz Jagah Nikah Karte Waqt Ladka Ladki Se Puche Bagair Jama’at (Logo) Ki Taraf Se Maher Muqarar Kiya Jata Hai Aur Isko Shara Paigambari Kehte Hain
Kuch Log Shara Paigambari Se 786 Rs. Murad Lete Hain Aur Agar 786 Se Zyada Maher Muqarar Kiya To Use Log Bura Jante Hain

Aur Kuch Jagah Shara Paigambari Se Hazrat Khatun e Jannat Fatima Ke Nikah Mubarak Ka Maher Khayal Karte Hain

Halanke Ye Sab Awaam Ki Fuzul Baate’n Hain

➡️ Aurat Ke Inteqal Ke Baad Shauhar Dekh Sakta Hai Ya Nahi?

Sahi Mas’ala

Sahi Mas’ala Ye Hai Shariat e Mutahhara Me Meher Me Zyadati Ki Koi Miqdar Nahi
Jitne Par Dono Fariq Raazi Ho Jaye’n Wahi Shara Paigambari Hai Kami Ki Janib Maher Muqarar Hai Aur Wo 10 Dirham Chandi Hai,

Hadis e Paak Me Hai Humare Pyare Aaqa ﷺ Ne Irshad Farmaya:

لامھراقل من عشرۃ دراھیم,

Das (10) Dirham Se Kam Maher Nahi Hota Aur 10 Dirham Chandi Jo Maher Ki Sab Se Kam Miqdar Hai Uska Wazan 2 Tola 7.50 Masha Hai
Aur Agar Shara Paigambari Se Murad Khatun e Jannat Fatima Zahra Sahab Ka Maher Ho To Phir 786 Rs. Maher Ada Karna Galat Hai

Kyun Ke Khatun e Jannat Hazrat e Fatima Zahra Ka Maher Aala Hazrat Imam e AhleSunnat Ki Tehqiq Ke Mutabiq 400 Misqal Chandi Tha Jiska Wazan 160 Rs. Ke Barabar Hua

Jaisa Ke Fatawa Razviya Jild 5 Me Hai
Hazrat Butool Zahra Ka Maher 400 Misqal Chandi Hai
Aur 400 Misqal 160 Rs. Bhar Hai

Aur Isi Fatawa Razviya Ke Safa 331 Me Hai
Hazrat e Khatun e Jannat Ka Maher 400 Misqal Tha Jiske 160 Rs. Bhar Chandi Hua Aur Aaj Ke Hisab Se Dedh So (150) Tola Chandi Hai

➡️ Biwi Ke Sath Humbistari Se Pehle Bismillah Padhna Kaisa Hai?

Khulasa e Kalaam Ye Hai Ke
Shariat e Mutahhara Me Maher Ki Zyadati Ki Koi Miqdar Muqarar Nahi Zaujain (Miya Biwi) Ki Haisiyat Ke Mutabiq Razamandi Se Jitna Maher Muqarar Ho Wahi Behtar Hai
Magar 10 Dirham Se Kam Na Ho
Aur Mehre Fatimi Murad Lekar 786 Rs. Ada Karna Galat Hai

Balke Mehre Fatimi Murad Ho To 400 Misqal Chandi Yani Dedh So Tole Chandi Ya Uski Qimat Ada Karni Hogi

📖 Fatawa Razviya. Jild 5. Safa 318/331

➡️ Muharram Ke Mahine Me Shadi Karna Kaisa Hai?

➡️ Kya Sharmgah Par Nazar Padne Se Wazu Toot Jata Hai?

Leave a Reply

error: Content is protected !!!